Listaxes de admitidos nos campamentos de verán do Concello

Hoxe publicaronse as listaxes provisionais de admitidos/as e de agarda da XVII Mañás de campamento: campamentos que concilian 2016.

Están admitidos todos os solicitantes empadroados en Culleredo

http://www.culleredo.es/node/5557

Advertisements

Contacontos Maio

O martes día 10 de maio terá lugar a próxima sesión de contacontos en familia. Será ás 17:15 na biblioteca do bufolector, durante a sesión non se poderá entrar nin saír da biblioteca. Máis información na páxina do bufolector

contacontos maio

Aquí tendes unha mostra do ben que o pasan os nenos e nenas:

Circular charla reválidas

Estamos pendentes da publicación no DOG relativa a esta proba para linkarvos a información oficial, máis toda a posible información que poidamos recibir dende as distintas plataformas educativas en relación a este tema. Mentres non chega, bos adiantados as datas para as charlas que vimos de organizar entre as Anpas dos CEIP de Culleredo. Vos deixamos aquí a circular que se entregou hoxe nos centros ós nenos dos cursos afectados:

Estimados pais e nais dos CEIPs de Culleredo.

Dunha maneira conxunta, as ANPAs dos CEIPs de Culleredo darán unhas charlas con persoas pertencentes a diferentes colectivos educativos para informar e dar resposta a todas aquelas dúbidas que poidades ter sobre as PROBAS DE AVALIACIÓN (LOMCE) A 3° E 6° DE PRIMARIA.

Estas charlas estarán abertas a tod@s os pais e nais, independentemente do CEIP do que sexades, para que así poidades acudir a aquela que vos resulte máis oportuna.

– XOVES 28 DE ABRIL ( 18:00 – 19:00) COMEDOR DO CEIP RÍA DO BURGO.

– XOVES 28 DE ABRIL ( 19:30 – 20:30) AUDITORIO DO CONSERVATORIO DO BURGO.

* Os nenos e nenas que asistan serán en todo momento responsabilidade dos pais e nais e non poderán estar sen a supervisión dun adulto polas instalacións tanto no CEIP da Ría como no Conservatorio.

Un saúdo.

ANPA LA LAGUNA

ANPA ROSALÍA DE CASTRO

ANPA VILABOA

APA CARCABELOS

Resumo Asamblea Ordinaria do pasado luns 18/04

Como xa sabedes, o pasado luns 18 tivo lugar a asamblea ordinaria de socios. Trala lectura e aprobación da acta anterior da que xa vos informamos e que vos linkamos aquí, pasamos a tratar os seguintes puntos:

  • cambios na directiva
  • estado das contas
  • revisión da actividade realizada dende o comezo do curso ata hoxe e suxerencias aportadas
  • cambio proveedor de uniformes
  • rogos e preguntas, onde informamos especialmente sobre a reválida, a constitución do Consello Escolar Municipal e do Consello Sectorial de Educación nos que haberá representantes da nosa ANPA, o incidente sobre o roubo dunha mochila no centro, a festa de fin de curso e algunha cousa mais sobre as actividades extraescolares

Como vedes, foron moitos os puntos que alí se trataron e que vos trataremos de resumir a continuación:

Cambios na directiva

Dous membros da directiva causaron baixa e incorporouse outra persoa. Como xa sabedes a directiva actual comenzou este ano de cero, algo que desaconsellamos e non nos gustaría que se volvera a repetir. Neste momento existen prazas vacantes e vos animamos a formar parte da directiva. Dende a Anpa apostamos pola renovación gradual, de maneira que vaia entrando xente que poida ir vendo o funcionamento de todo o que facemos, e así pouco a pouco uns entrarán e outros sairemos. Como xa dixemos cando nos presentamos e vos vimos lembrando sempre, vos animamos a participar.

Estado das contas

O día da asamblea entregamos aos asistentes os movementos da conta da ANPA e da conta de Comisión infantil. Adxuntamos aquí os arquivos:

movementos ANPA

movementos Comisión Infantil

Cando chegamos nos propuxemos facer unha xestión económica eficiente e transparente. Na reunión poidestes levar copia dos libros de contas e ver os feitos relevantes no proxector. En resumo, na conta de Comisión infantil comezamos en setembro con 30,51€ e o 17 de abril (día antes da reunión con vos) había 5.045,30€. Os gastos desta conta son: galletas, froitas, material escolar e a festa que lle fixeron os profesores no Nadal. Resaltar que aínda hai pais que non aboaron os 50€. Na conta da ANPA comezamos en setembro con 4.082,09€ e a 17 de abril había 12.172,48€ (agora hai 2.000€ máis da subvención do Concello ingresada o 20 de abril). A maior parte dos movementos desta conta son os das actividades extraescolares. Os gastos que aparecen son teléfono, cuota FEDAPA, extraescolares, a compra dunha impresora, gastos dos talleres que organizamos para socios, e os libros que compramos coa intención de agasallar aos nenos e nenas a final de ano(*).

(*) Como dato negativo na parte económica, mencionamos a estafa por valor de 452 euros na compra destes libros. O pago dos libros realizouse en decembro dentro dunha iniciativa de agruparnos con outras Anpas para obter mais volumen e un millor desconto nunha compra conxunta. Un membro dunha de ditas ANPAs ingresou os cartos pero os libros nunca chegaron. Tras falar con membros de dita Anpa, esa persoa xa non figura na mesma e coa factura que temos, fumos a presentar a denuncia na Garda Civil. Na asamblea poidemos explicar con maior detalle ainda o que sucedeu con esta persoa que xa tiña antecedentes similares, pero, seguindo as indicacións da Garda Civil, non estamos autorizados a dar máis información polo blogue. Se queredes que vos aclaremos o que sucedeu non dubidedes en preguntar.

En resumen e pese a todo, un saldo mais amplo co de partida para ter un fondo ante posibles continxencias. Polo medio destes resultados queda o traballo de poder organizar todos os pagos con facturas para presentar en subvencións, a reducción de gastos con proveedores como o de telefonía, a supresión dos regalos a proveedores, e un longo etc. Resaltar aquí que ainda que ó inicio de curso costou traballo poñer todos os gastos con facturas, e que incluso iso repercutiu nalgún caso nunha pequena subida do precio ás familias (na maioría non, pero houbo algún caso dunha subida máxima de 2-3 euros), o resultado non só foi positivo nas contas como podedes ver, se non que ademáis obtemos dous beneficios cecáis máis intanxibles agora, pero importantes tamén, como son o feito de ter todo declarado para mostrar ás familias e ante calqueira posible auditoría, e o non menos importante feito de que non haxa pagos en B nun centro público, o cal nos parecía especialmente incorrecto. Neste punto ademáis ainda podería haber mais boas novas, pois ó presentar todas as facturas das actividades extraescolares consideradas culturais, solicitamos no mes de xaneiro unha subvención á Deputación na que tivemos que facer moito esforzo pola nosa parte no papeleo da memoria das actividades, pero en caso de recibila, o 20% dos gastos (que é o que nos concederían como máximo), terían como impacto directo o poder descontar eses cartos ás familias de ditas actividades. Isto, sumado a manter a cuota mais baixa que coñecemos para ser membros da ANPA, e os mellores precios coñecidos nas actividades, pensamos que suman unha boa xestión nesta parte.

Para rematar este punto, e como non somos unha empresa para dar beneficios, entregamos un cuestionario na asamblea no que ademáis de valorar o traballo que estamos a realizar,  pedimos a vosa opinión clasificando as vantaxes que vos gustaría ter por ser socio do ANPA, pois como é lóxico, a nosa intención é invertir o diñeiro en beneficio de todos os socios, e a maneira de facelo será contando con vós, mostrando as contas con total transparencia e decidindo coas vosas respostas no cuestionario onde poñer o foco en canto ás vantaxes ás que lle dariades máis valor. Comentar aquí nun inciso que a vosa valoración non só está sendo moi positiva, o cal agradecemos, se non que estamos a procesar as vosas suxerencias para tratar na próxima reunión.

Revisión da actividade realizada dende que entramos en setembro ate agora

O 17 de setembro nos presentamos por primeira vez ante vós co propósito de acadar unha serie de melloras para os que formamos o centro, e especialmente para as familias dos nenos alumnos deste centro. Na nosa presentación nos marcamos unha serie de obxectivos que fumos revisando un por un na asamblea. Podedes descargar os mesmos clickando aquí. Vos achegamos algúns datos comentados na asamblea:

I) Nos relativos á comunicación, se crearon as 3 novas canles (blogue, redes sociais e newsletters), o número de reunións aumentouse, e tamén se levou a cabo a enquisa para ter as vosas suxerencias. En resumo, pensamos que estades mais informados que o ano pasado, e no sentido inverso, obtemos mais respostas de vos para coordinarnos mellor cando fai falla. En calqueira caso vos copiamos aquí algúns datos para que os que non puidestes vir poidades facer as vosas propias valoracións. Pois na nosa opinión, a estratexia de comunicación seguida no noso blogue non só foi un éxito para o noso centro, senón que foi un referente para fóra dende o inicio do curso gracias a nosa proactividade, especialmente no problema co catering. Publicamos case 150 artigos (máis de un por día de media). Tivemos neste tempo case 18.000 visitas (o día máximo coas denuncias do comedor foron ate 1.809), de 8.607 visitantes que se informaron no noso blogue. Son datos abraiantes que superan incluso o noso obxectivo inicial coa idea de ter un blogue (pensade que somos menos de 200 socios para que poñades estos datos en contexto). Tivemos felicitacións pola información ofrecida dende varios de vós (incluído o agradecido aplauso na última reunión), dende outras Anpas, e incluso dende a FEDAPA con felicitacións dende outras rexións de España. Os medios o tomaron como referente para a información sobre o que pasaba nos centros, e todos coñecedes o resto da historia, co cese de Servicol primeiro, e coa confirmación da ampliación do comedor, dúas das demandas nas que máis esforzos puxemos. En canto ó facebook, temos 120 seguidores que reciben a información sempre máis actualizada e ampliada do que pode facer calqueira circular enviada en papel a través dos nenos, e ademáis coa opción de comentar e difundir nas redes sociais o que se di. Coma exemplo podemos citar as recollidas de firmas para a ampliación do comedor, para pintar un paso de cebra (que se pintou), para a construcción do novo CEIP, etc

II) En canto ás actividades, ademáis de manter as do ano pasado, buscáronse máis actividades complementarias co obxectivo de que houbera polo menos dúas opcións na oferta para cada hora por grupo de idade. A ampliación da oferta foi un feito coa incorporación de novas actividades moi ben valoradas polas familias, coma taller de arte, inglés, cociña ou multideporte. Tamén incluímos a oferta de teatro pero finalmente non tivo o mínimo de nenos apuntados para impartirse. Neste punto fixemos un inciso na asamblea para, tras manter varias reunións coas monitoras e familias de dita actividade, explicar o cambio comunicado na actividade de ludoteca dende o mes de febreiro, e para informar sobre un novo procedemento para facer os intercambios entre as actividades que podería poñerse en marcha durante o curso que ven co obxectivo de que non custe nada ás familias que o precisen en lugar do coste que supón actualmente. Este último punto estase revisando aínda co centro e monitores, coa idea de facer unha proba do novo sistema no mes de maio, e así decidir na última reunión coas familias, como debería quedar. Decirvos que ademáis das actividades que xestiona a ANPA, falaríamos tamén coas do Concello para tratar de poñer un punto de encontro común para os intercambios de actividades, pero todo elo está pendente de revisarse e tratar con vós na próxima asamblea.

III) Coordinación dos pasos a dar para melloras das infraestructuras do colexio. Onde destacamos o grande esforzo feito este ano neste punto, e como serviu para ter un centro millor para @s nos@s fill@s. Aquí por unha parte explicamos o traballo que supón concentrar todos os esforzos nas melloras que nos demandastedes as familias e que se concentraron nas relativas ó comedor, ó areeiro e patio en xeral, e o aulario infantil, que por outra banda tamén entendimos coma as mais urxentes por afectar en moitos casos á saúde d@s nen@s. Outras demandas que estamos a tratar co centro e que inclúen a ampliación da biblioteca ou o cambio das fiestras, as seguemos canalizando a través do Consello Escolar, onde participamos e onde por suposto apoiamos todas estas iniciativas para a mellora do colexio, sexa cambiar as fiestras, ampliar a biblioteca ou incluso melloras que vimos falando en ditas reunións para aportar mais equipos informáticos (tabletas ou PCs). O tema é que estas demandas que tamén apoiamos, as separamos das que todos puidestes coñecer durante o curso e que supuxeron non só dar apoios, senón unha proactividade adicional extraordinaria por parte dos membros da actual directiva, que non deixamos de ser unhas nais e pais mais que facemos un traballo voluntario. Neste punto puidemos mencionar como exemplo do esforzo extra que supuso durante varios meses a presencia constante desta Anpa en programas de radio, na prensa, incluso na TV, e en revistas; as numerosas publicacións no noso blogue que serviron para que o tema estivese nos medios case a diario (xa falamos arriba das visitas); os numerosos escritos entregados dende o primeiro día a varias Administracións e a Servicol; reunións co persoal do comedor, con outras anpas, con partidos políticos, coa dirección do centro, co consello escolar, co Concello, coa Fedapa, coa Xefatura Territorial, incluido incluso o hito da participación nun pleno do Concello pese as dificultades que se nos puxo para elo (e co éxito do apoio unánime). E todo á vez que vos informamos de cada paso que fumos dado (podedes tirar de hemeroteca neste mesmo blogue ;-)). Todo elo nos costou varios enfrentamentos por ser pesados e insistentes (ou se preferides: molestos), pero tamén a satisfacción persoal do traballo ben feito e a seguridade de que faríamos o mesmo se volvese a suceder (o cal tamén crea un precedente nun centro que viña sendo mais ben pouco participativo).

E como resultado desta proactividade, vos presentamos na asamblea os principais resultados conseguidos, que foron dende o novo paso de cebra, pasando pola renovación da zoa de xogos de infantil, o cese e multa a servicol, a inclusión dalgunhas das nosas peticións no novo concurso do comedor (menos peso ó precio, puntos por produtos galegos coma o leite, proximidade das cociñas, e algunhas cousas máis que non están pero nas que seguemos a insistir coma a posibilidade do acceso puntual das nais e pais ó comedor cando sucedan deficiencias tan graves coma as que ocurreron no comedor), e por suposto, da comprometida ampliación do comedor da que por fin mostramos os planos e a data de comezo da obra.

Nos paramos neste punto un pouco máis para dar a información que tiñamos das obras que se van a facer no centro:

  • As obras do patio cuberto serán en verán, pero cercarán o espazo afectado sen que impida facer o campamento. No caso de que no verán o comedor aínda esté en obras (como así será), usarían a biblioteca ou a aula pegada á ANPA para os almorzos (son menos nenos que nun curso…sobre 30-40).
  • A obra das goteiras do aulario tamén é da Xunta e inminente ainda que non temos datas exactas (pero tampouco afectaría para o campamento de verán)
  • A renovación da zona de xogos de infantil está aprobada cun orzamento do Concello de 30.111,89 €, pero a data exacta de comezo non a temos porque depende de cando o Concello reciba o ingreso dunha subvención da Deputación para elo. Os planos están dispoñibles e nunha primeira etapa se elimina o areeiro de dita zona, pero se explicou neste punto que hai o compromiso coas familias e coa dirección do centro de que se o areeiro se reclama, buscarían outro sitio onde colocalo dentro do noso centro
  • Outras obras de saneamento do Concello por 22.207,86 € nas que tampouco vimos necesario profundizar máis por ser melloras que seguen o curso normal do centro
  • E por fin, a obra da ampliación do comedor que comezará según rematen as clases, o 22 de xuño. Por fin vos puidemos mostrar os planos no proxector, onde se contemplan os novos arquivos e almacén do centro, o traslado da ANPA, pero sobre todo, os novos lavabos para mans e dentes, e un espazo suficiente sexa cal sexa o servizo no futuro, incluso coa opción de cociña, xa que se pasan dos 134 m2 do actual comedor (dos que 21 son o escenario), a ter unha superficie útil de comedor de 234 m2. Xa de inicio, ademáis de poder lavar as mans e os dentes, os nenos do primeiro turno non terán tanta presa para que entren os do segundo turno e os do segundo non entrarán tan tarde coma agora e terán tamén máis tempo. Todo esto ademáis de ter o espazo suficiente para os accesorios de cociña dun comedor con tantos comensais (e tan especiais ;-)). O plano ainda nos chegou o venres anterior á reunión, e temos aínda algunhas dúbidas que aclararemos de cara a próxima reunión, pero o que está claro, é que o centro gañará moito con esta obra que se viña reclamando sen éxito dende o menos 5 anos

E finalmente informamos do estado das peticións nas que seguemos involucrados:

  • No comedor tiñamos abertas 3 frontes: incidencias graves con Servicol e ampliación do comedor con resultados visibles, e en curso aínda segue a demanda da mellora da supervisión, a cal resulta obvio que se puxo en evidencia durante os primeiros meses do curso. No consello escolar acordouse que só poderían acceder os representantes das familias no consello escolar, onde a ANPA ten un membro (facemos aquí outro inciso para agradecer ás nais que vos presentasteis voluntarias para acceder algunha vez, pero non puido ser polo de agora). Seguemos a falar delo para poder pechar tamén este punto pendente. A nosa idea era facer algunhas visitas mais cunha plantilla que preparamos para marcar o que se debe cumplir no comedor segundo o pliego. Cos resultados, manteremos unha reunión co persoal do comedor e o centro para organizar o uso dos novos espazos, e comentar o que poidamos ver nestas visitas. En todo caso, seguimos insistiendo vía FEDAPA e CONFAPA para conseguir que este acceso poida ser mais regulado e para calqueira familia que o poida solicitar, e que sexa considerado como algo normal aínda que poida ser en momentos puntuáis. Tamén, e máis a longo prazo, seguemos apoiando a opción de que as boas instalacións da Laboral poidan ser usadas para atender ós demáis centros do Concello, e mesmo doutros cercanos
  • Climatización de aulario do edificio de infantil: onde tras reunirnos co Concello para trasladarnos que non podían facer nada nelo, nos fumos reunindo con varios partidos políticos e aínda nos queda facelo con outros. Polo de agora, o BNG incluíu enmendas ós orzamentos da Xunta con este tema, e dende logo é un tema no que seguiremos insistindo cos demáis ate conseguir resultados ou cando menos, compromisos a corto prazo
  • Recentemente, tras facernos chegar algúns de vós esta queixa para trasladar ó Concello, chamamos ó mesmo para tratar o tema das inundacións que se producen os días de choiva na entrada do centro. Vos iremos informando
  • A nivel mais xeral no noso Concello, coñecedes as nosas demandas sobre a construcción do Novo CEIP en Culleredo dado ó problema da masificación e falta de espacio nos centros. Non conseguimos o demandado a pesar de que nos coordinamos coas demáis Anpas para recoller firmas en colexios, garderías e outros centros de Culleredo, e mesmo a través de Internet. Aínda presentando máis de 1000 firmas no pouco tempo que nos deron dende o anuncio (menos dun par de semanas e cadrando coas vacacións da ponte de decembro), se manteñen as datas previstas e os orzamentos para 3 anualidades. A principal dúbida da comunidade  educativa é que realmente esté no curso 2017/18 comprometido na prensa por parte da Consellería. Para o curso que ven, 2016/17, dada a lentitude inicial, é claro que sería difícil chegar, e por tanto que estivese para o curso seguinte, pero como xa temos a experiencia do instituto, pensamos que haberá que seguir encima delo.

En resumo, tendo en conta por unha parte o número de centros públicos na provincia, e por outra tantos anos sen conseguir ninguna millora no noso centro, o balance que facemos do noso traballo este ano é moi positivo en canto ó esforzo, e bastante positivo en canto a resultados, aínda que por suposto, é clave contar co voso apoio e demostrar que cando nos unimos, sí é posible conseguir as cousas.

IV) Ampliación da participación das familias no centro e particularmente, aumentar o número de socios da ANPA. Nos trasladastes nas asambleas realizadas o malestar que había dende o ano anterior como o principal motivo da baixa participación, e aínda que este ano aumentou considerablemente, cremos que segue sendo moi baixa (e según nos trasladades nos cuestionarios cubertos, vos tamén o pensades). Por darvos algunhas referencias, no noso colexio hai uns 482 nenos, e os socios, aínda que aumentaron moito ate os 190, non corresponden nin coa metade, sendo o centro con menos participación na ANPA a pesares da cuota máis baixa (ninguén a ten máis baixa polo que por ahí non parece que esté o tema, aínda que seguiremos revisando algunhas opcións que vos contamos).  Observamos tamén que a vantaxe mais valorada segue sendo o desconto nas actividades, pois case todos os socios son os que levan os seus fill@s ás actividades. Por elo levamos tempo ampliando estas vantaxes para socios con talleres gratuítos e descontos nalgúns comercios ou centros de Culleredo, e vemos moi importante analizar as respostas do cuestionario para ver cales das propostas que vos trasladamos serían millor recibidas. Sexa como sexa, é claro para todos que cada vez ten que haber mais participación, que é o mellor camiño para ter un colexio millor para todos como podedes comprobar.

Cambio proveedor de uniformes

Aquí informamos de que o actual proveedor deixa dita actividade e está a liquidar as existencias. Nos estamos a falar con varios proveedores para ver na seguinte asamblea a mellor opción para o ano que ven

Reválida

Tras diversas reunións co centro, outras Anpas, charlas da Fedapa, e mesmo con sindicatos de profesores, vamos a organizar unha serie de charlas para dar toda a información que poidamos sobre este asunto, ademáis das diversas opcións para ás familias. En nada sacaremos outro post con esta información máis ampliada, e mesmo o luns vos daremos unha circular a través dos nenos dos cursos involucrados, para que poidades asistir a estas charlas organizadas conxuntamente polas Anpas dos 4 CEIPs de Culleredo.

Constitución do Consello Escolar Municipal e do Consello Sectorial de Educación

O Consello escolar municipal reuníuse en sesión plenaria o martes 29 de marzo de 2016, e acordou por unanimidade solicitar dos responsables de política educativa desta comunidade que se elabore e se de a coñecer o MAPA EDUCATIVO de Culleredo. O principal obxectivo deste documento é “evitar improvisar curso a curso e provocar malestar entre familias que non saben a que aterse, e entre o profesorado que non sabe o que se ofertará e si poderán solicitar unha praza no concurso de traslados, e entre o alumnado que descoñece as alternativas coas que poderán contar, solicitamos unha vez máis o deseño do MAPA EDUCATIVO DE CULLEREDO por considerar que este documento definiría con claridade toda a oferta posta a disposición da comunidade educativa deste e doutros concellos da comarca.”  Ver documento co texto íntegro da solicitude premendo aquí.

Por outra parte, o consello sectorial de educación tamén tivo a primeira reunión, pero nos medios xa tedes máis información e por outra parte, haberá mais pronto polo que xa vos iremos informando (este post xa é moi longo ;-)).

Festa de fin de curso

A data para a festa de fin de curso será o venres 17 de xuño, e os socios poderán acceder gratuitamente mentras que para os non socios terían un precio de 10 euros.

Vedes que non era un falar por falar cando avisamos de que se trataron moitos temas na asamblea do pasado luns. Agardamos que sexan do voso interese e seguiremos informando de todos os temas que nos levamos entre mans.